Eðalklúbbur, vínsmakk #2 vor 2015

Eins og stundum áður var smakkinu skipt upp í tvo hluta. Í fyrri hlutanum voru smökkuð þrjú vín, blint, frá svæðum sem ekki voru gefin upp. Þessi vín áttu að vera í ódýrari kantinum þ.e.a.s. ekki dýrari en ca. 2.500 kr. Í seinni hluta smakksins voru svo smökkuð dýrari vín frá þessum sömu svæðum, líka blint. Í seinni hlutanum voru vínin ekki afhjúpuð fyrr en búið var að smakka öll þrjú vínin.frá suður eða norður Rhône ásamt einum jóker. Smakkendur að þessu sinni voru Indriði, Björgvin, Bolli, Jón Loftur, Sverrir, Ólafur Andri og Jón Lárus.

• 2012 Wyndham Estate Shiraz Bin 555 87 Points

  Australia, South Eastern

  Fyrsta flaska af þremur í fyrri hluta blindsmakks. Meðaldökkt, ungt á litinn. Ljós ber og vanilla í ilmi. Vatnsmelónur, fersk sýra, smá sæta, síðan súkkulaði og vanilla í bragði. Eftir smá stund í glasi þá komu fram aseton tónar í ilmi. Þægilegt vín.

  Post a Comment / Do you find this review helpful? Yes - No

• 2012 Columbia Crest Cabernet Sauvignon Two Vines 84 Points

  USA, Washington, Columbia Valley

  Önnur flaska af þremur í fyrri hluta blindsmakks. Örlítið dekkra en fyrsta vínið virtist heldur eldra á litinn en var það ekki. Flottur en látlaus ilmur, m.a. blómailmur (fjólur) og smá sveit. Í munni dökk ber, hunang (mikil sæta) og talsverð vanilla. Eftir smá stund í glasi fór sætan að ágerast. Einhver kallaði þetta kóka kóla vín m.a.s! Vann síður en svo á.

  Post a Comment / Do you find this review helpful? Yes - No

• 2014 Finca Las Moras Malbec Intis 79 Points

  Argentina, San Juan

  Síðasta vínið í fyrri hluta smakksins. Mjög ljóst á litinn. Reyndar svo ljóst að sumir létu gabbast og töldu þetta vera pinot noir (ég meðtalinn). Lítill ilmur til að byrja með. Rifsber, sólber og jarðarber í bragði. Einnig óþroskaðir grænir tónar. Frekar súrt. Eftir smá stund þá var einhver sem talaði um að það væri pústlykt af víninu. Ekki hægt að mæla með þessu víni.

  Post a Comment / Do you find this review helpful? Yes - No

• 1999 d'Arenberg Cabernet Sauvignon The Coppermine Road 91 Points

  Australia, South Australia, Fleurieu, McLaren Vale

  Fyrsta vínið í seinni hluta blindsmakks. Þá voru smökkuð betri vín frá sömu löndum og í fyrri hluta smakksins. Það er að segja frá BNA, Ástralíu og Argentínu.
  Þetta vín var frekar dökkt á litinn. Orðið örlítið brúnt í jöðrum. Svo var komið að ilminum. Í örstutta stund var hann þægilegur með ristuðum tónum. Það entist mjög stutt og í staðinn kom lykt svipað og af soðnu káli. Mjög óspennandi. Þegar við smökkuðum á víninu þá var það líka mjög óspennandi. Flestir voru þeirrar skoðunar að vínið væri ónýtt. Bolli prófaði samt að umhella víninu nokkrum sinnum milli glasa og benti okkur svo á að prófa aftur. Þá kom í ljós að við að umhella víninu eða þyrla víninu rösklega þá hvarf þessi óþefur og óbragð. Eftir þyrlun/umhellingu fannst mér þetta vín alveg hörkugott. Ekki voru nú samt allir sammála um það.
  Fyrir umhellingu hefði ég gefið þessu víni 60-65 stig. Eftir umhellingu þá fannst mér það skríða yfir 90. Ótrúleg umbreyting sem varð á víninu. Í öllu óðagotinu í sambandi við að finna út úr þessu öllu saman þá gleymdist að skrá niður nánari nótur eftir að vínið hafði jafnað sig.
  Ég fletti þessu svo upp eftirá og svona galli á víni er vel þekktur. Lausnin við honum er að láta lofta vel um vínið og þá hverfur hann. Þetta var, fannst mér, mjög lærdómsríkt því ég hafði aldrei rekist á vín með þessum ágalla áður.

  Post a Comment / 1 person found this helpful, do you? Yes - No

• 2008 Heitz Cellar Cabernet Sauvignon 90 Points

  USA, California, Napa Valley

  Mjög dökkt á litinn. Giskað var á aldur 3-5 ár út frá honum, sem reyndist síðan of ungt. Gerlykt, dökk ber í nefi mjög fágaður ilmur. Í munni kirsuber, mikið krydd, vanilla, negull. Mikil sæta í bragðinu. Tvö vín er lítið úrtak en mikil sæta einkenndi bæði bandarísku vínin sem við smökkuðum. Vínið var líka svolítið hrjúft, eins og tannín væru enn að gera sig gildandi. Mjög gott vín en frekar dýrt.

  Post a Comment / Do you find this review helpful? Yes - No

• 2011 Finca Las Moras Gran Syrah 89 Points

  Argentina, San Juan

  Meðaldökkur litur. Lítur ungt út. Frekar lokaður ilmur. Samt voru þarna vanillutónar og inn á milli dökk berjaangan, sólber? í munni nokkur sýra, dökk ber, vanilla, krydd, mynta. Mjög þægilegt vín sem ætti að falla flestum í geð. Samt kannski ekkert gríðarlega spennandi.

  Post a Comment / Do you find this review helpful? Yes - No

• 2011 Bodegas Matarromera Ribera del Duero Crianza 91 Points

  Spain, Castilla y León, Ribera del Duero

  Í smakkinu var síðan einn jóker. Það reyndist vera hið prýðilegasta vín. Meðaldökkur litur. Ekki mikill ilmur í byrjun. Smá fjós, jarðartónar. Fínt jafnvægi. talsverð fylling. Sólber í bragði. Líklega besta vínið í smakkinu, fyrir mína parta að minnsta kosti. Þetta vín er hægt að fá í fríhöfninni á 4000 kall sem eru ágætis kaup held ég.

  Post a Comment / Do you find this review helpful? Yes - No

• 2010 Bodegas Beronia Rioja Reserva 90 Points

  Spain, La Rioja, Rioja

  Að hefðbundnu smakki loknu var þessi flaska dregin upp. Þegar þarna var komið sögu voru nótur orðnar nokkuð óreiðukenndar. Engu að síður er ljóst að þetta er mjög flott vín. Enda er 2010 árgangurinn í Rioja talinn með þeim betri.

  Post a Comment / Do you find this review helpful? Yes - No

Skemmtilegt og lærdómsríkt smakk. Hlakka til þess næsta.