Hlíðarás 10
Tasted Friday, February 12, 2021 by bitdrerik with 265 views
Fyrsta smakk þar sem við komum saman í kjötheimum í mjög langan tíma. Mættir voru Bolli, Björgvin, Andri, Magnús, Lúðvík, Jón Loftur, Skeggi, Indriði og Jón Lárus. Smakkið var í fimm hlutum:
Fyrsti hluti var hraðsmakk. Björgvin var að taka til í Kaupfélagsskápnum og kom með þá hugmynd að við myndum byrja á að hraðsmakka átta ódýrar flöskur. Innifalið í því var að hver flaska var eyrnamerkt klúbbfélaga. Sá átti að sjá um að koma með smakknótur a.m.k. fyrir það vín og ef afgangur yrði að taka flöskuna með heim og gera henni svo frekari skil.
Í öðrum hluta var bara eitt vín, 26 ára gömul Valbuena.
Því næst var svo þriggja árganga Ygay gran reserva especial smakk.
Þá voru nokkur vín úr ýmsum áttum smökkuð blint.
Að síðustu var svo smakkað á púrtvíni.
Þetta var mikið og magnað smakk.
Mér fannst hraðsmakkhugmyndin koma vel út. Er nú þegar búinn að bæta fjórum af vínunum úr því á kauplista hjá mér.
Aldraða Valbuenan var nú frekar áhugaverð en góð. Samt alltaf eitthvað við það að smakka svona öldruð vín.
Ég varð hins vegar fyrir miklum vonbrigðum með Ygay vínin (og var ekki einn um það). Þó það yngsta væri orðið meira en tíu ára þá voru þau öll svakalegir eikarboltar. Gott samt að vita af því að það þarf að geyma þau í a.m.k. 10 ár í viðbót.
Samtíningurinn kom líka vel út. Montes Alpha M, Delas og Cal Batllet 5 Partides komu öll virkilega vel út.
Klykkt svo út með tveimur mjög ólíkum púrtvínum.
2018 Gomez Cruzado Rioja Blanco 87 Points
Spain, La Rioja, Rioja
Þetta vín var valið af Winfred og átti að passa við íslenskar aðstæður. Uppistaðan í því er viura þrúgan (85%) og restin tempranillo.
Ekki mikill ilmur. Þægilegur samt það sem fannst. Á tungunni ferskt. Epli, sítrus og suðrænir ávextir. Þurrt. Vín í fínu jafnvægi. Ég var mjög ánægður með þetta vín. Fín kaup fyrir tæpar 10€. Ég er að hugsa um að bæta þessu víni á innkaupalista.
Þegar við vorum svo að pakka saman eftir smakkið þá voru mér aðeins mislagðar hendur þannig að ég missti flöskuna og braut hana. Það voru því engar framhaldsnótur hjá mér.
Post a Comment / Do you find this review helpful? Yes - No
2017 Autocton Celler Catalunya Autocton Blanc 86 Points
Spain, Catalunya
Þetta var líka hvítvín valið af Winfred og átti að passa við íslenskar aðstæður. Mun þyngri ilmur en af Gómes víninu. Geymslulykt, krydd, mynta. Ekki mikill ávöxtur. Talsverð sýra. Sérstakt vín og áhugavert. Verðið á þessu víni er 11,9€ sem er alls ekki svo slæmt.
Þetta var vínið hans Björgvins í þessum hluta smakksins. Hann skrifaði:
Við fyrsta smakk dettur mann í hug chardonnay, en það er engin eik og sýran er mun minni - þykktin er það sem kallar á chardonnay. Þungt, kryddað, mynta.
Útskýring á því er að þrúgan er kampavínsberið Xarello. Berjabragið er í forgrunni með léttri sýru undir.
Lét reyna á restina laugardag og sunnudag og mér líkaði vel við þetta vín, það passar vel við íslenskt terrúrar - ætla að fá mér nokkar af þessu.
Post a Comment / Do you find this review helpful? Yes - No
2017 Pascona Montsant Maria Ganxa Carinyena 81 Points
Spain, Catalunya, Tarragona, Montsant
100% Carinyena. Mjög ljóst á litinn. Ég skrifaði nú ekki mikið um þetta vín. Lofnarblóm, kaffi og súkkulaði í ilmi. Brá fyrir grænum tónum á tungunni og svo svaðalega mikil sýra. Ekki spennandi vín fyrir minn smekk. Kostar 9,3€.
Þetta var vín sem Magnús átti að fjalla um. Hann reit:
100% Carinyena. Ljóst í lit, rauð ber, jarðarber rauð kirsuber, hindber jafnvel ráðandi í lykt en jafnframt einhver frekar óþægileg Kemísk/gerfibragðefna lykt líka. Mikil og frekar beisk sýra, lítil fylling. Við opnun var þetta frekar óaðlaðandi og bragðvont vín en bar það þó með sér að það væri kannski eitthvað meira í það spunnið.
Daginn eftir hafði það breyst mikið. Kemíska lyktin horfin, Rauð ber áfram ráðandi í lykt, smá ryk og olía, bílskúrslykt, járnsvarf og vottur af lími. Syran orðin mildari og vínið mun vinsamlegra. Semsagt eftir sólarhring var þetta orðið þokkalegasta vín, frekar einfalt en ágætlega bragðgott, fersk og þægileg sýra en vantar fyllingu. 77 punktar við opnun, 86 punktar daginn eftir. Ágæt kaup ef maður man eftir að opna það 24 klst fyrir neyslu.
(ba: mér lýst vel á þessa lýsingu, ég ætla að prófa að kaupa það …)
Post a Comment / Do you find this review helpful? Yes - No
2018 Risky Grapes Bobal Valencia La Traca 85 Points
Spain, Valencia
Bobal þrúgan. Mjög ljóst vín. Grænir tónar í nefi og einnig í munni. Mikill ávöxtur, hindber aðallega. Minnir á Hécula. Meiri ávöxtur samt. Mér fannst þetta vín skemmtilegt. Ekki spillir svo 5,95€ verðmiði fyrir. Bætti þessu á lista hjá mér.
Andri sá um umfjöllun á þessu víni og skrifaði:
Bobal þrúgan. Viðeigandi að vínframleiðandinn heitir Risky Grapes. Ljóst að lit. Frekar létt vín með mikið af berjabragði. Hindber áberandi og einnig kirsuber. Sætt en jafnframt súrt. Einhver talaði um græna tóna. En þetta er ekki vín sem ég myndi velja. Kannski mætti drekka glas úti á svölum á góðum sólardegi.
Smakkað á laugardegi og þá voru hindberjatónarnir enn áberandi og rammleiki í eftirbragði. Eftir að hafa staðið í um hálftíma var berjabragðið minna og vínið í meira jafnvægi. Á Vivino fær þetta vín 3.6 og jákvæðar umsagnir, mikið minnst á hve hve góð kaup það er.
Post a Comment / Do you find this review helpful? Yes - No
2019 Bodegas Atalaya Almansa Laya 84 Points
Spain, Castilla-La Mancha, Almansa
Meðaldökkt á litinn. Skrifaði ekki mikið um þetta vín. Það var samt þægilegt á tungu og ilmurinn var líka viðkunnanlegur. Ekkert afgerandi samt. Er líka á virkilega fínu verði eða 5,6€ pr. flösku. Fer á listann hjá mér.
Það voru ekki komnar ítarlegri nótur fyrir þetta vín þegar þetta var skrifað. Uppfæri þegar þar að kemur.
Post a Comment / Do you find this review helpful? Yes - No
2017 Bodegas Aragonesas Garnacha Campo de Borja Coto de Hayas Centenaria 83 Points
Spain, Aragón, Campo de Borja
Mjög ljóst á litinn. Pinot útgáfa af garnacha. Dökk berjalykt, sólber. Á tungu niðursoðin jarðarber. Frekar hrátt og stamt. Heillaði mig ekkert sérstaklega mikið. Kostar 9,9€.
Þetta vín var í umsjá Bolla. Hann hafði þetta um vínið að segja:
Lykt: sólber, mynta, soðið/kaffi og soðin jarðarber - ergo samsoðið
Bragð: dökkir tónar, kaffi og súkkulaði (passar s.s. við garnatxa), samt e-ð ójafnvægi.
Niðurstaða mín var að þetta er “allt í lagi” vín f. Þennan pening.
Annars dags smökkun átti sér ekki stað, það var líklega vegna þess að það fór framhjá mér að það ætti að smakkast daginn eftir. Hins vegar fékk ég mér af víninu eftir að smakkið var búið og með sömu einkenni en í lykt en fallið í bragði. Hellti því restinni.
Post a Comment / Do you find this review helpful? Yes - No
2018 Domini de la Cartoixa Priorat Crossos 84 Points
Spain, Catalunya, Priorat
Þarna var annað vín sem ég náði varla að skrifa nokkuð um. Samt þetta: Frekar ljóst. Mjög feimið í ilmi til að byrja með og opnaði sig varla nokkuð þann tíma sem ég var með það í glasi. Á tungu sýruríkt, græn tannín. Paprika. Þokkalegt jafnvægi. Kostar 9,9€. Heillaði mig ekki.
Indriði sá um ítarlegri umfjöllun og sagði:
Blóðrauður litur með fjólubláum keim á kantinum, dökkur kjarni.
Svört kirsuber, bláber, vottur af kryddi og UHU.
Ágætis fylling, örlítið framþungt, græn tannín. Biturleiki sérstaklega í eftirbragði.
(ba: þetta er eitt grænasta vín sem ég hef smakkað, ég á einhverjar flöskur hér heima og stefni að því að nota þær í coq-au-vin og þessháttar - held það henti því vel. En sumir fíla þetta bragð)
Post a Comment / Do you find this review helpful? Yes - No
2018 Dominio del Bendito Toro El Buen Rollo 87 Points
Spain, Castilla y León, Toro
Frekar dökkt á litinn. Gefur ekki mikið af sér í nefi til að byrja með. Samt komu þarna tað og tóbak. Mjög þægilegt á tungu. Fínt jafnvægi. Virkilega gott vín og fyrir mig best af rauðvínunum í hraðsmakkinu. Kostar 10,6€ sem er fínt verð. Fer á lista hjá mér.
Jón Loftur sá um frekari útlistun á þessu víni. Hann skrifaði eftirfarandi um það:
Tók tíma að opnast og var þá hið þokkalegasta. Minnir á annað vín frá sama framleiðanda, El Primer Paso, þó ekki alveg jafn þétt/kröftugt. Í hópi bestu vína í hraðsmakkinu.
(ba: það var smá rest eftir af þesu víni sem ég greip með mér og prófaði daginn eftir, þá var það orðið mjög mjúkt og fínt en samt þykkt. Ég mæil með þessu víni og ætla að fá mér smá af því)
Post a Comment / Do you find this review helpful? Yes - No