Bólstaðarhlíð 29
Tasted Friday, April 30, 2021 by bitdrerik with 231 views
Það voru þrjú efni á dagskrá í þessu smakki. Fyrst var hraðsmakk á sex hvítvínum. Því næst voru tekin fyrir nokkur rannsóknarefni á fjórum vínum og að lokum var heimshornaflakk, sem var að mestu leyti blint. Allir fastir klúbbfélagar voru viðstaddir.
1. Hvaða áhrif hefur loftun á Ferrer Bobet Vinyes Velles.
2. Bornir saman tveir árgangar af Peter Lehmann Mentor.
3. Hvernig smakkast 205€ vín? La Rodeda tekið til kostanna.
5 klúbbfélagar fengu úthlutað landi eða löndum sem þeir áttu að velja vín frá. Þessi hluti var að miklum hluta smakkaður blint.
Hraðsmakkið kom vel út. Þar voru fyrir mína parta tvö mjög spennandi hvítvín. Í öðrum hlutanum var mjög skemmtilegt að sjá gamlan Mentor, sem hafði verið geymdur við ekkert sérstök skilyrði, vaxa eftir því sem á leið kvöldið. í þeim hluta smökkuðum við líka Rodeda vínið sem var alger toppur á smakkinu. Það var kannski minnst um óvænta hluti í síðasta hluta smakksins en mér fannst þó mjög áhugavert að fá að smakka 2015 árgang af Brunello. Fínt smakk.
2018 Cristian Frances Breton Priorat Va de Bòlid 86 Points
Spain, Catalunya, Priorat
Fyrsta vín af sex í hraðsmakki. Einungis gerðar um 300 flöskur af þessu víni. Frekar dökkt á litinn. Smjör í nefi. Einnig olíutónar. Gerjuð epli og steinefni. Frekar þunnt og karakterlaust á tungu. Samt þægileg sýra. Rabarbari. Sítrus í eftirbragði. Þægilegur ilmur en bragðið ekki til að hrópa húrra fyrir.
Post a Comment / Do you find this review helpful? Yes - No
2017 Celler de Cérvoles Vinyes Altes de Les Garrigues 89 Points
Spain, Catalunya, Costers del Segre
Annað vínið í hraðsmakki. Miklu ferskari og betri ilmur heldur en af fyrsta víninu. Útihús, súrhey. Suðrænir ávextir, mangó, lychee. Mysa var nefnd líka. Talsverð sýra þegar bragðað er á því. Þétt bragð. Hunang, olíuborið leður, mynta. Alveg fínasta hvítvín.
Post a Comment / Do you find this review helpful? Yes - No
2011 R. López de Heredia Rioja Blanco Viña Gravonia 87 Points
Spain, La Rioja, La Rioja Alta, Rioja
Mjög dökkt á litinn miðað við hvítvín. Gylltir tónar í lit. Sæta og kókos í ilmi. Svo eikartónar á bak við. Mjög undarlegt á bragðið. Mjög mikil eik á tungu en svo voru þarna tónar sem minntu á marsípan. Kransakaka jafnvel? Mér datt í hug að þetta gæti farið vel með paté. Áreiðanlega vel gert vín en hentaði mínum bragðlaukum ekkert sérstaklega vel. Hefði gefið þessu svona 85-87 stig miðað við þessi fyrstu kynni.
Ég tók svo flöskuna með heim. Það voru á að giska ⅔ eftir í flöskunni og að þessu sinni komst hún ósködduð á áfangastað. Daginn eftir þá tókum við það út á pall. Það var mjög svipað og kvöldið áður allavega til að byrja með. Það var samt talað um að það væri villisveppailmur af því nánar tiltekið ilmur af furusvepp. Myndi ekki segja að þetta vín hentaði vel úti á palli. Of þungt og drungalegt til þeirra nota. Um kvöldið prófuðum við svo að hafa það með frekar þungum pastarétti. Sósan gerð úr osti, gráðosti og sýrðum rjóma. Þar að auki var í réttinum steikt paprika og beikon. Til að byrja með þá var vínið ekki að gera sig neitt sérstaklega vel með matnum þangað til Hildigunni datt í hug að setja klaka út í vínið. Það gerbreytti víninu. Það varð miklu léttara og þægilegra. 85-87 fyrir klaka en 87-88 eftir. Allt í lagi hvítvín og áhugavert að hafa smakkað en ég fer ekki að kaupa það. Það er alveg klárt.
Post a Comment / Do you find this review helpful? Yes - No
2017 Dominio do Bibei Ribeira Sacra Lapola 90 Points
Spain, Galicia, Ribeira Sacra
Ljós litur. Peruilmur og lykt af sætum eplum. Engjaangan og líka kryddtónar. Ferskur og frískur ilmur. Mjög ferskt á tungu. Flott sýra og vínið í góðu jafnvægi. Smjörtónar í bragði.
Post a Comment / Do you find this review helpful? Yes - No
2017 Bodegas Avancia Godello Old Vines 87 Points
Spain, Galicia, Valdeorras
Mjög þung lykt. Hunang, ger, melóna, ástaraldin. Þykkt á bragðið. Ferskjur, blæjuber. Mér fannst það frekar skrítið á bragðið. Vantaði ferskleika. Ekki alveg að gera sig í hraðsmakkinu.
Post a Comment / Do you find this review helpful? Yes - No
2017 Celler Marc Ripoll Sans Priorat Cal Batllet Escanya-Vella 87 Points
Spain, Catalunya, Priorat
Annað hvítvín í hraðsmakkinu sem er búið til í afskaplega takmörkuðu magni. Í nefi þurrt niðurfall (skrautyrði fyrir klóak) og jarðarber. Mjög sérstakt á bragðið. Smjör, steinefni, kalk. Beiskja, greipaldin. Svolítið hrátt í byrjun en kom til í glasinu. Ég sá svo að ég hafði smakkað þetta vín tvisvar áður og gefið því mun hærri einkunn þá. Erfitt að réttlæta það út frá því sem við upplifðum í þetta skiptið.
Post a Comment / Do you find this review helpful? Yes - No