Njálsgata 6
Tasted Monday, April 2, 2018 by bitdrerik with 232 views
Eðalklúbburinn fjárfesti í Coravin græju og ég fékk að vera sá fyrsti til að prófa tækið. Valdi sjö flöskur úr kjallaranum til að prófa í fyrstu umferð. Eina hvíta og sex rauðar. Við dældum 1 dl úr hverri flösku og vorum tvö sem smökkuðum, Hildigunnur og ég. Engin vandamál komu upp við að tappa af flöskum.
Þetta smakk fór eiginlega fram úr mínum björtustu vonum. Öll vínin voru annaðhvort mjög góð eða frábær. Silex og Janasse voru sigurvegarar en bara með hársbreidd. Við enduðum með sex rauðvínsglös af rauðvíni og það var sama hvernig við smökkuðum fjögur miðjuvínin þá gátum við ekki gert upp á milli þeirra. Laurel vínið var samt slakast sem þýðir þó engan veginn að það hafi verið vont. Fyrir mig þá er þetta nýtt viðmið í vínsmakki.
2006 Didier Dagueneau Silex 95 Points
France, Loire Valley, Upper Loire, Pouilly-Fumé
Ljósgylltur litur. Smá brúnka í jöðrum. Í nefi. Slegið gras, kattarhland, læknastofa. Breytist ekki mikið við þyrlun. Í bragðinu: Frábært jafnvægi, frábær mýkt. Suðrænir ávextir, ástaraldin, mangó, ananas. Smá steinefni líka. Líklega besta ófreyðandi hvítvín sem ég hef smakkað fram að þessu.
Post a Comment / Do you find this review helpful? Yes - No / Report Issue