Meðaldökkt á litinn. Liturinn unglegur. Dökk ber í nefi líka kaffi. Þægilegur ilmur en ekki mikill. Frekar lokað. Mjög flott á tungu, Flott jafnvægi. Sýra, tannín og allt á góðum stað. Ljós ber frekar en dökk í bragði. Jarðarber? Létt og fíngert. Mikill ferskleiki.

Mun dekkra en Alzina vínið sem við byrjuðum á. Útihús í nefi strax í byrjun. Svo komu fram bananar. Þessar ilmglefsur hurfu svo fljótt. Þá stóðu eftir dökk ber, kaffi og kakó. Þegar var smakkað á víninu kom í ljós að þetta var mikill bolti, vín með nautasteikinni greinilega. Dökkir ávextir, eik sem er orðin vel samtvinnuð víninu og svo í lokin komu kaffitónar. Virkilega flott vín í góðu jafnvægi sem er algerlega tilbúið til neyslu núna.

Ljósara á litinn en Ferrer Bobet vínið næst á undan. Farnir að koma fram smá öldrunartónar í jaðri á glasi. Endingarstuttur ilmur en þægilegur. Dökk kirsuber. Runnagróður og krydd. Á tungunni mjög mikið krydd. Dökkir ávextir og lakkrís. Skrjáfþurrt. Flott jafnvægi. Gríðarlega gott og alveg tilbúið til neyslu. Sé ekki að þetta vín sé að verða betra með geymslu.

Mjög dökkt á litinn. Sæta í ilmi og líka steinefni. Hellingur af ávexti. Skógarber og skógarbotn. Síðar komu fram sítrustónar og líka dökkt súkkulaði. Mjög flottur ilmur. Á tungunni skrjáfþurrt. Sítrus, aðallega sítróna. Sýruríkt. Finnst alveg vel fyrir tannínum. Þarf umhellingu. Samt frábært nú þegar. Geyma í ár.

Mjög dökkt á litinn. Í nefi paprika, lakkrís, plómur og smá mynta. Þegar smakkað þá var þarna sæta og kökur til að byrja með. Eik og vanilla eru þarna en alveg í hæfilegu magni. Flott jafnvægi. Dökkur flottur ávöxtur. Þegar var smakkað til baka þá var þetta vín bara best. Einfalt. Gríðarlega flott vín. Mun líklega ekki batna úr þessu en ætti að haldast í nokkur ár á þessu plani.