Friday, May 26, 2023 - Eðalklúbburinn í Búrgundarhéraðinu.; 5/21/2023-5/27/2023 (Búrgundarhéraðið.): Að lokum dró Vincent Guillemot, sem sá um heimsóknina, fram forngrip, rykugan mjög. Hann fékk okkur til að giska á hvað vínið væri gamalt eftir að var búið að hella því í glösin. Kom í ljós að við vorum mjög langt frá réttu ári. Ég var næstur því með því að giska á 1992 sem var samt 15 árum frá réttu ári!
Allavega.
Liturinn var orðinn næstum appelsínugulur í kantinum.
Í nefinu fundust svo soðin jarðarber, appelsína, plómusulta og leysiefni.
Þegar var bragðað á víninu þá var þarna ótrúlega mikill ávöxtur. Vínið er líka í frábæru jafnvægi. Ferskt og virkilega gott.
46 ára gamalt og algerlega í toppformi. Ég held að þetta sé elsta vín sem ég hef smakkað.